በጣዕምና በምግብ ይዘቱ በታወቀቱ የዘይት ምርታችን ማዕድዎን ያጣፍጡ፡፡ ከምርጥ ንጥረ ነገሮች የተቀመመው እና በዘርፉ የካበተ ልምድና ክህሎት ባላቸው ባለሙያዎቻችን፣ በዘመናዊ ፋብሪካችን የተቀነባበረው የዘይት ምርታችን እጅግ ልዩ ጣዕም ብቻ ሳይሆን በምግብ ይዘቱም የበለፀገ ነው፡፡
ፋብሪካችን የምግብ ዘይት ምርት በልዩ ጥራት እንዲቀርብ ያስቻለ ሲሆን በሚጠቀመው ዘመናዊ የአመራረት ጥበብ፣ ልምድና ግብአቶች መሰረት ንፁህና ተመራጭ ይዘትና ጣዕም ያለው ኮከብ ቃና ዘይትን በማምረት ለማዕድዎ ያቀርባል፡፡
ኩባንያችን በምግብ ዘይት አቅርቦት የአገር ውስጥ አቅምን ለማሳደግና የውጭ ምንዛሬ እጥረትን ለመቅረፍ በማሰብ በኦሮሚያ ክልላዊ መንግስት፣ በሸገር ከተማ፣ በቡራዩ ክፍለ ከተማ በሚገኘው የታጠቅ ኢንዱስትሪያል ዞን ውስጥ የምግብ ዘይት ማምረቻና ማቀነባበሪያ ፋብሪካ ሥራ ጀምሯል።
በተጨማሪም የማጣሪያ ቴክኖሎጂ ተከላ በማከናወን በቀን ከ 115 ቶን በላይ የምግብ ዘይት ለገበያ ለማቅረብ የሚያስችለውን አቅም ፈጥሯል።
ቤአኤካ ጠቅላላ ንግድ ስራ የአግሪ-ቢዝነስ ዘርፉን ከማኑፋክቸሪንግ ኢንዱስትሪ ጋር ለማስተሳሰር በሚያደርገው ጥረት በማጠናከር በአሁኑ ወቅት በአማራ ክልል ጃዊ በሚገኘው የተቀናጀ እርሻ ልማት ውስጥ ለዘይት ምርት የሚውሉ ግበአቶች (በተለይም አኩሪ አተር እና ሱፍ) በማምረት ላይ ይገኛል።
ISO 9001:2015, ISO 14001:2015 ISO 2200:2018 እና EIA ያሉ የቁጥጥር መስፈርቶችና ደረጃዎችን በማሟላትም የምርት ጥራትና የደንበኞችን እርካታን ለማሳደግ ጥረታችንን ቀጥለናል፡፡